FLEX-ти ачыңыз

дүйнөнү ачыңыз

«Келечектеги Лидерлер» алмашуу программасы (FLEX) 

FLEX – бул Америка Кошмо Штаттарынын Мамлекеттик Департаментинин Билим Берүү жана Маданият Бюросу тарабынан каржыланган маданий алмашуу программасы. Ал Кыргыз Республикасында Эл аралык билим берүү боюнча Америкалык Кеңештер АСПРЯЛ/АКСЕЛС тарабынан башкарылат жана Кыргыз Республикасынын агартуу Министрлиги менен колдоонот. Бул программа Кыргыз Республикасы боюнча окуучуларга бир окуу жылдын ичинде АКШнын орто мектебинде окууга жана америкалык үй-бүлөдө жашоого мүмкүнчүлүктү берет.

FLEX программасынын негизги максаты – өз ара түшүнүшүүнү жакшыртуу жана Америка Кошмо Штаттарынын жарандары менен башка элдердин жана мамлекеттердин ортосундага узак мөөнөттүү мамилелерди иштеп чыгуу жана чыңдоо. АКШнын Мамлекеттик Департаменти орто мектептин окуучуларын алмашуу программасын 50дөн ашуун мамлекеттерде ФЛЕКС жана башка окуу программалары аркылуу колдойт. Программа 1993-жылы башталгандан бери 24,000ден ашык окуучулар FLEX программасына катышышкан.

ПРОГРАММАГА КАТЫШУУ ҮЧҮН КАТТАЛУУ

FLEX 2026-2027 катталуу анкетасы

* 2026–2027 окуу жылы үчүн 1-турдун анкетасы ачылды. Анкетаны тапшыруунун акыркы мөөнөтү — 23-сентябрь 2025 ж.

БИРИНЧИ ТУР:

1-турда сиз онлайн анкетаны англис тилинде толтурушуңуз керек. Анкетага 3 эссе суроосу кирет.

1-ЭТАП: https://ais.americancouncils.org/flex сайтында аккаунт ачыңыз. Аккаунт ачуу боюнча нускамалар төмөндө “Видео нускамалар” бөлүмүндө жеткиликтүү.

2-ЭТАП: Аккаунтуңузга кирип, Available Forms бөлүмүн табыңыз. 1-турдун анкетасы ушул бөлүмдө жеткиликтүү болот. Аны толтура башташ үчүн Start баскычын басыңыз.

3-ЭТАП: Онлайн анкетанын бардык бөлүмдөрүнө, анын ичинде 3 эссе суроосуна жооп бериңиз. Анкетаны толтура баштагандан кийин аны 5 күндүн ичинде бүтүрүп, тапшырышыңыз керек.

ЭКИНЧИ ТУР:

2-турда сиз англис тили боюнча онлайн тесттен өтүшүңүз керек. Бул тестке шилтеме 1-турдагы онлайн анкетаны тапшыргандан кийин 24 саат ичинде сиздин электрондук почтаңызга жөнөтүлөт.
Эскертүү: бул шилтеме сизге жөнөтүлгөндөн кийин болгону 24 саатка гана жарактуу болот.

Онлайн тест 15 мүнөт убакытты алат. Сиз эки текстти окуп, 12 суроого жооп беришиңиз керек.

ҮЧҮНЧҮ ТУР:

Бул тур оффлайн форматта өтөт. 3-турга өткөн катышуучулар 2025-жылдын октябрь-ноябрь айларынын аралыгында FLEX программасынын кызматкерлери телефон чалуу аркылуу кабар беришет.

3-турда катышуучулар төмөнкүлөрдү аткарышы керек:

  • Анкетаны толтуруу

  • Үч эссе суроосуна жооп берүү

  • Англис тили боюнча тест тапшыруу

  • Топтук оюн менен коштолгон маекке катышуу

* Суроолоруңуз болсо, төмөнкү дарекке жазсаңыз болот: flex.kg@americancouncils.org

FLEX 2026-2027 программасынын талаптары

Программага катышуу үчүн сиз төмөндө көрсөтүлгөн баардык талаптарга сөзсүз түрдө жооп беришиңиз керек:

Туулган күнү: 2009-жылдын 1-январынан 2010-жылдын 31-декабрына чейин

Окуган классы: 9-класс же 10-класс

Катышуучулар төмөнкү талаптарга дагы жооп бериши керек:

  • Кыргыз Республикасынын жараны болушу керек;

  • Кыргыз Республикасынын аймагындагы мектепке катталып, ал мектепте окушу керек;

  • Мектепте эң жакшы же жакшы бааларга ээ болушу керек;

  • Англис тилин үйрөнгөн тажрыйбасы болуп, жакшы деңгээлде билүүсүн көрсөтө алышы керек;

  • АКШ визасын алуу талаптарына жооп бериши керек.

Ден соолугунан мүмкүнчүлүгү чектелген окуучулар үчүн талаптар:

Туулган күнү: 2008-жылдын 15-февралынан 2011-жылдын 15-июлуна чейин

Окуган классы: 9-, 10-, 11-класс же 9-классты бүткөндөн кийинки колледждин 1-курсу

Катышуучулар төмөнкү талаптарга дагы жооп бериши керек:

  • Кыргыз Республикасынын жараны болушу керек;

  • Кыргыз Республикасынын аймагындагы мектепке катталып, ал мектепте окушу керек;

  • Мектепте эң жакшы же жакшы бааларга ээ болушу керек;

  • Англис тилин үйрөнгөн тажрыйбасы болуп, жакшы деңгээлде билүүсүн көрсөтө алышы керек;

  • АКШ визасын алуу талаптарына жооп бериши керек.

ВИДЕО НУСКАМАЛАР

Катталуу боюнча нускама https://ais.americancouncils.org/flex сайтында

  1-турдун анкетасына кирүү үчүн, https:ais.americancouncils.org/flex сайтында аккаунт ачышыңыз керек.

Биринчи турдун анкетасын толтуруу боюнча

1-турда сиз онлайн анкетаны англис тилинде толтурушуңуз керек. Анкетага 3 эссе суроосу кирет.

Экинчи турду өтүү боюнча нускама

2-турда сиз англис тили боюнча онлайн тесттен өтүшүңүз керек. Бул тестке шилтеме 1-турдагы онлайн анкетаны тапшыргандан кийин 24 саат ичинде сиздин электрондук почтаңызга жөнөтүлөт.

КӨП БЕРИЛҮҮЧҮ СУРООЛОР

    • АКШга барып келүү жол акысы;

    • коомдук иштерге жана коомдук-саясий турмушка катышуу үчүн керектүү жана жеке чыгымдарга жете турган айлык төлөмү;

    • жакшы текшерилген жана тандалган үй-бүлөдө окуучунун бир жыл аралыгында жашоосу;

    • Америкадагы орто мектепте окуусу;

    • АКШга барганга чейин жана кайтып келгенден кийинки даярдоо программалары;

    • АКШда өткөрүлгөн ар кандай иш чараларга катышууга кеткен чыгымдары;

    • медициналык камсыздоо, бирок мурунку болгон оорулар жана тиш оорусу дарыланбайт.

  • Программага катышуу акысыз.

  • Бул учурда, сиз катыша албайсыз

    • Катышуучу акыркы 5 жыл ичинде Америкада 90 күндөн ашык жашаган болбош керек;

    • Үй – булө мүчөлөрү АКШга эмиграцияга барган эмес же АКШга эмигрант катары документтерди тапшырган эмес.

  • Ооба.

  • СПАМ папканы текшериңизьжана почтаңыз каттарды кабыл аларын текшериңиз.